Lög skemmtifélagsins

Lög Hornfirska skemmtifélagsins

 

1. grein
Félagið heitir Hornfirska skemmtifélagið.  Félagssvæði þess er Austur-Skaftafellssýsla

 

2. grein
Tilgangur félagsins er að efla tónlistarlíf á félagssvæðinu með því að standa fyrir flutningi dægurtónlistar með þátttöku hornfirskra skemmtikrafta, og utanaðkomandi tónlistarmanna.

 

3. grein
Félagið stendur fyrir uppsetningu tónlistardagskráa og stendur fyrir öðrum uppákomum innan sveitarfélagsins í samstarfi við veitingamenn og ferðaþjónustuaðila eins og efni standa til.

 

4. grein
Allir geta orðið félagar í Hornfirska skemmtifélaginu, einstaklingar, félög og fyrirtæki.  Ritari félagsins tekur við skráningum og hefur umsjón með félagatali.

 

5. grein
Verði hagnaður af uppsetningum félagsins skal þeim varið til greiðslu skulda félgasins ef einhverjar eru, kaupa á tækjabúnaði sem nýtist við uppfærslur félagsins.

 

6. grein
Stjórn félagsins skipa fimm menn; formaður, ritari, gjaldkeri og  tveir meðstjórnendur sem  kosnir eru á aðalfundi félagsins, til eins árs í senn. Stjórnin skiptir með sér verkum.

 

7. grein
Aðalfund félagsins skal halda eigi síðar en í lok apríl ár hvert. Stjórnin skal boða aðalfundar  með minnst tveggja sólahringa fyrirvara og telst hann þá löglegur. Starfsár/reikningsár félagsins er almanaksárið.

 

Dagskrá aðalfundar

1.         Fundarsetning

2.         Kosning fundarstjórnanda og fundarritara

3.         Skýrsla stjórnar

4.         Skýrsla gjaldkera

5.         Lagabreytingar

6.         Málefni næsta árs

7.         Önnur mál

 

8. grein
Breytingar á lögum þessum má aðeins gera á aðalfundi og ræður einfaldur meirihluti atkvæða úrslitum. Breytingar skulu kynntar samhliða fundarboði aðalfundar.

 

9. grein
Ef starfsemi félagsins leggst niður eða verður slitið af einhverjum orsökum, renna eignir hans, ef einhverjar verða til Menningarmiðstöðvar Hornafjarðar.

 

Þannig samþykkt aðalfundi félagsins 5. apríl 2006.